Skip to main content

छ सिमेन्ट उद्योगको उत्पादन र बिक्री रोक्का

विष्णु पोखरेल
काठमाडौं, भदौ ५

गुणस्तरहिन सिमेन्ट उत्पादन गरेको भन्दै वाणिज्य विभागले ६ स्वदेशी सिमेन्ट उद्योगको उत्पादन र बिक्री रोक्का गरेको छ। बजार अनुगमनका क्रममा महालक्ष्मी सुपर क्वालिटी, रिलायन्स सुपर शक्ति, अग्नी, त्रिशक्ति, जगदम्बा अल्ट्रा प्रिमियम र निर्माण ब्रान्डका सिमेन्ट गुणस्तरहिन भेटिएपछि उक्त निर्णय गरिएको हो। ‘गुणस्तर मापदण्ड पुरा नगर्ने ती उद्योगका सञ्चालकलाई उत्पादन र बिक्री बन्द गरी सात दिनभित्र उपस्थित हुन पत्र काटेका छौं,' विभागका निरीक्षण अधिकृत कमलबहादुर थापाले भने।

विभागले गएको असार १ गते राजधानीको बल्खु क्षेत्रका ५ हार्डवेयर पसलबाट नमूना संकलन गरी गुणस्तर तथा नापतौल विभागमा परीक्षण गरेको थियो। वाणिज्य विभागको नेतृत्वमा गएको अनुगमन टोलीमा जिल्ला प्रशासन कार्यालय, गुणस्तर विभाग र उपभोक्ता संगठनका सदस्य सामेल थिए।

गुणस्तर प्रतिवेदन आउनासाथ विभागले नमूना संकलित हार्डवेयर पसललाई पनि पत्र पठाएर बाँकी रहेको सिमेन्ट नबेच्न निर्देशन दिएको छ।

नमूना परीक्षण गर्दा छवटै उद्योगले सिमेन्टमा तोकिएको मापदण्डअनुरुप आवश्यक वस्तु मिश्रण नगरेको फेला परेको थियो। समिश्रण नमिलेपछि संकलित नमूनालाई विभागको प्रयोगशालामा २८ दिन राखेर भारवहन क्षमता परीक्षण गरिएको निरीक्षक थापाले जानकारी दिए। ‘ती उत्पादनले नेपाल गुणस्तर मापदण्ड ४९ र ३८५ पुरा गरेको पाइएन,' उनले भने।

गुणस्तर मापदण्ड ४९ मा सिमेन्टमा हुनपर्ने समिश्रण र ३८५ मा भारवहन क्षमता उल्लेख छ। गुणस्तर विभागले २८ दिन परीक्षण गर्दा तोकिएभन्दा कम भारवहन क्षमता पाइएको थियो। सिमेन्ट ढलाई गरेको सात दिनमा यस्तो क्षमता १६ एमपिए हुनपर्नेमा छवटै उद्योगको त्योभन्दा कम छ। विभागको प्रतिवेदनअनुसार सात दिन परीक्षण गरिएका सिमेन्टको क्षमता ११ देखि १३ एमपिए थियो।

यसैगरी १४ दिनमा २२ एमपिए हुनुपर्नेमा २० र २८ दिनमा ३३ एमपिए हुनुपर्नेमा २२ देखि २४ एमपिएमात्र भएको प्रतिवेदनमा उल्लेख छ। छवटै सिमेन्टको तौल पुगेको भएपनि गुणस्तर न्यून पाइएकाले उपभोक्ता संरक्षण नियमावलीअनुसार उत्पादन र बिक्री रोक्का गरी बयान लिन बोलाइएको थापाले बताए।

गुणस्तर पुरा नगर्ने रिलायन्स ५५ ग्रेडको पोजोल्याना प्रोटल्यान्ड सिमेन्ट (पिपिसी) हो भने अरू सबै ५३ ग्रेड अर्डिनरी प्रोटल्यान्ड सिमेन्ट (ओपिसी) हुन्।

विभागले बयान लिएपछि सरकारी वकिलको राय लिएर सम्बन्धित उत्पादकलाई अदालतमा मुद्दा दायर गर्न सक्नेछ। नियमावलीमा गुणस्तरहिन उत्पादनगरी उपभोक्ता ठगी गर्नेलाई ५० हजार रुपैयाँ जरिवाना वा २ वर्षसम्म कैद राख्न सक्ने व्यवस्था छ।

विभागले महालक्ष्मीको उत्पादक नेपाल अम्बुजा सिमेन्ट उद्योग, रिलायन्सको रिलायन्स सिमेन्ट प्रालि, अग्नीको अग्नी सिमेन्ट प्रालि, त्रिशक्तिको नारायणी सिमेन्ट उद्योग, जगदम्बाको जगदम्बा सिमेन्ट उद्योग र निर्माणको बुटवल सिमेन्ट प्रालिलाई उत्पादन तथा बिक्री बन्द गर्न पत्राचार गरेको हो। जगदम्बा, निर्माण, रिलायन्स र त्रिशक्ति सिमेन्ट चलेका ब्रान्ड हुन्। तिनले नेपाल गुणस्तर चिह्न र आइएसओ चिह्नसमेत लिइसकेका छन्।

सिमेन्ट उत्पादकले भने विभागले आफूहरूलाई यस्तो पत्राचार नगरेको बताए। उनीहरूले बजारमा बिक्रीका लागि गएको सिमेन्ट हेरेर उत्पादन बन्द गराउन नपाइने बताएका छन्। जगदम्बा सिमेन्टका सञ्चालक विष्णुप्रसाद न्यौपानेले कम्पनीलाई बद्नाम गराउन कसैले आफ्नो लोगो र बोरा प्रयोग गरेर गुणस्तरहिन सिमेन्ट बेचेको हुनसक्ने बताए।

‘बिक्रीमा गएको सिमेन्ट हेरेर फ्याक्ट्री बन्द गराउन थाल्ने हो भने सबै गर्नुपर्छ,' उनले भने, ‘जगदम्बा अल्ट्रा प्रिमियम सिमेन्ट हाम्रो सबभन्दा गुणस्तरीय सिमेन्ट हो।'


उत्पादन र बिक्री रोकिएका उद्योग

ब्रान्ड उत्पादक

महालक्ष्मी नेपाल अम्बुजा सिमेन्ट उद्योग
रिलायन्स रिलायन्स सिमेन्ट प्रालि
अग्नी अग्नी सिमेन्ट प्रालि
त्रिशक्ति नारायणी सिमेन्ट उद्योग
जगदम्बा जगदम्बा सिमेन्ट उद्योग
निर्माण बुटवल सिमेन्ट प्रालि

Comments

Post a Comment

Popular posts from this blog

खरानी र खण्डहरको देश- २

देशको वर्तमान अवस्थाबारे लेखूँ कि नलेखूँ भन्ने मनस्थितिमा केही त लेख्नै पर्ने भयो। ००० सत्ता र त्यसका मठाधीशप्रति वर्षौँदेखि नागरिक तहमा गुम्सिएको आक्रोश यो पटक नवपुस्ताको अगुवाइमा अभिव्यक्त भयो। त्यो स्वतःस्फूर्त थियो। स्वचालित थियो। त्यसको कथा वा पटकथा कसैले लेखिदिएको थिएन। नेतृत्व थियो न त्यसलाई अवतरण गराउने खाका र तयारी। त्यो एउटा आँधी थियो, हुरी थियो, भूकम्प थियो। देशका सबै नदीमा आएको थाम्नै नसकिने बाढी थियो। स्वतःस्फूर्त र नेतृत्वविहीन आन्दोलन परम्परागत दलले गर्ने जस्तो सङ्गठित हुँदैन। आन्दोलनकारीमा दलीय अनुशासन हुँदैन। लक्ष्य र उद्देश्यहरू स्पष्ट नहुन सक्छन्। उपलब्धिलाई संस्थागत गर्ने मार्ग प्रस्ट नहुन सक्छ। त्यो थाहा पाउन इन्टरनेट र सामाजिक सञ्जालको व्यापक उपयोगबाट आह्वान भएका पछिल्ला आन्दोलन र अभियान हेरे पुग्छ। विगत दुई दशकभित्र संसारभरि भएका कैयौँ आन्दोलनको विश्लेषण गर्दा हुन्छ। चाहे ती अमेरिकाका ‘टी पार्टी मुभमेन्ट’, ‘अक्युपाई वालस्ट्रिट’ हुन् वा अरब वसन्त, हङ्कङको छाता आन्दोलन अनि विभिन्न देशमा चलेको पछिल्लो ‘नेपोबेबी’ वा ‘नेपोकिड्स’ अभियान, ती सबैको नतिजा लगभग उस्तै देखिन...
Post a Comment
Read more

कविता

Tweet आङ साङ सुची विष्णु पोखरेल  मृत्युरेखा पार गर्दै गर्दा सम्झदैँ छु तिम्रा चम्किला आँखा जसमा देखिन्छन् प्रतिशोधका प्रतिच्छायाहरू थाहा छ तिमी बोल्न सक्ने छैनौ जसरी हिजो बोल्थ्यौ हास्न सक्ने छैनौ जसरी हिजो हास्थ्यौ र, यो पनि थाहा छ तिमी गर्जन सक्ने छैनौ बाघलेझैँ– जसरी नजरबन्दका बेला घरको कौसीमा निस्केर हात हल्लाउदै गर्जन्थ्यौ मृत्यु रेखा पार गर्दैगर्दा कुल्चिरहेछु, कैयौँ रात ढुकढुकी बिसाउन संघर्ष गर्दै प्राण त्यागेका आत्माहरू सुँघिरहेछु, तिनबाट निस्कने दुर्गन्ध नाघिरहेछु, पिताको छातिमा गोली वर्षदाकी तिमी जस्तै कैयौँ नानीको बलात्कृत जाँघबाट चुहिएका रक्तरेखाहरू ओ ! मेरी शान्ति र अहिंसाकी प्रतिमूर्ति ! म आफ्नै भूमीबाट घरबारविहीन भएर मृत्युरेखा पार गर्दैगर्दा तिमी भन्दैछौ– ‘मेरो देशले कसैलाई पनि घरबारविहीन बनाएको छैन’ मेरी प्यारी शान्तिकी प्रतिमूर्ति ! एकपटक तिम्रो बैठक कक्षमा जाऊ र, सोध भित्तामा झुन्ड्याएको अल्फ्रेड नोबेललाई ‘साच्चै म सत्य बोलिरहेकी छु ?’ सायद नोबेल आउँनेछ चिहानबाट उठेर अनि, भन्नेछ– ‘तिमी सत्य बोल्दैछौ वा असत्य मलाई थ...
Post a Comment
Read more