Skip to main content

सौखिनलाई सुहाउदा बाइक


मोटरसाइकलमा कला देखाउने र बाइक कुदाएर रमाइलो गर्न चाहनेलाई लक्षित गर्दै विभिन्न कम्पनीले नेपाली बजामा पनि 'बिग बाइक'हरु भित्र्याउन थालेका छन्। 
नेपाली बजारमा यस्ता बाइकको संख्या बढ्दो छ। केही वर्षदेखि विभिन्न कम्पनीले नेपाली बजारमा बढी इन्जिन क्षमताका यस्ता बाइक ल्याइरहेका छन्। राजधानीमा अहिले चलिरहेको नाडा अटो सोमा पनि यस्ता बाइक ग्राहकले हेर्न सक्नेछन्। 
नाडा अटो सोमार्फत नै केही कम्पनीले ठूला मोटरसाइकल बजारमा ल्याएका छन्। बढी क्षमता मात्र होइन, उच्च मूल्य भएका यस्ता बाइक सहरिया एलिट वर्गका शौखिन युवाको नजरमा पर्न थालेका छन्। बाइक चलाउने शौख पाल्नेका लागि बजारमा उपलब्ध गराइदिएर मोटरसाइकल बिक्रेताहरुले पनि उनीहरुको रुची पुरा गर्न थालेका छन्। 
'यस्ता मोटरसाइकल बिक्रीका लागि भन्दापनि बढी ग्राहकलाई जानकारी दिन ल्याइएको हुन्छ,' नाडा सोमा तीनवटा ठूला बाइक राखेको सुजुकीको बिक्रेता गणेश इन्टरप्राइजेजकी बिक्री प्रबन्धक प्रमिला खत्रीले भनिन्। उनले नाडामा राखेका आफ्ना ठूला बाइकको बारेमा जिज्ञासा राख्ने धेरै भएपनि बिक्री भने नभएको बनाइन्। 'ग्राहकको जिज्ञासाले बिक्री हुन्छ भन्ने देखाएको छ,' उनले भनिन्। 

मेलामा सुजुकी मात्र होइन, होन्डा, यामाहा, केटिएम ड्रुक, ह्योसुङलगायत कम्पनीका यस्ता महँगा र उच्च इन्जिन क्षमता भएका स्पोर्टस् बाइक राखिएका छन्।  यस्ता बाइकप्रति युवा पुस्ताको आकर्षण निक्कै देखिएको छ। नेपाली बजारमा हाल २० लाख रुपैयाँ माथिका बाइकको संख्या पनि बढ्दै गएको छ। 
यामाहाको 'बिग बाइक' बिक्रीतर्फका इन्चार्ज छिरिङसिंह ठकुरीले यस्ता बाइक अन्य जस्तो धेरै नबिके पनि अहिले युवा पुस्तामा खोजीको विषय बन्न थालेको बताए। उनले अहिले युवाहरुले यस्ता बाइक खोज्न थालेको जानकारी दिए। यामाहाले पनि नाडामा यस्ता बाइक राखेको छ। नाडा सोमा यसपटक सुजुकीको भने ४ सय सिसीको स्कुटर समेत राखेको छ। बाइकसँगै यस्ता स्कुटर पनि बजारमा देखिन थालेका छन्। 
नाडामार्फत नै होन्डाले आफ्नो आफ्नो सबैभन्दा बढी क्षमता भएको महँगो बाइक बजारमा ल्याएको छ। होन्डाले सिबिआर–१०००–आरआर बाइक बजारमा ल्याएको हो। यो पनि मोटरसाइकल सौखिनका लागि लक्षित गरेर ल्याइएको कम्पनीले जनाएको छ। 
यस्ता बाइकहरु बिक्री गरेर व्यवसाय गर्न भन्दा पनि कम्पनीहरुले आफ्नो निर्माण कला देखाउनका लागि बजारमा ल्याउने गरेका छन्। विभिन्न बाइक स्टन्ट सोहरुमा यस्ता बाइकको प्रयोग धेरै हुने गरेको छ। 

नेपाली बजारमा उपलब्ध केही महँगा र बढी इन्जिन क्षमताका बाइकहरु 


मोडेल : – सुजुकी बि–किङ
इन्जिन क्षमता : – १३४० सिसी 
मूल्य : – २५ लाख 
विशेषता : –न्याकेट बाइक, इनलाईन–फोर–फोर स्ट्रोक इन्जिन, सिक्स स्पिड गेयरबक्स, १२० मिलिमिटर ग्राउन्ड क्लियरेन्स, इलेक्ट्रिक स्टार्टलगायत 




मोडेल : – सुजुकी जिएसएक्सआर–६००
इन्जिन क्षमता : – ५९९ सिसी 
मूल्य : – २२ लाख 
विशेषता : –फोर स्ट्रोक लिक्युड कुल्ड इन्जिन, सिक्स स्पिड ट्रान्समिसन, १३० मिलिमिटर ग्राउन्ड क्लियरेन्स, इलेक्ट्रिक स्टार्ट, १७ लिटर इन्धन ट्याङ्कलगायत 




मोडेल : – सुजुकी बर्गम्यान–४००(स्कुटर)
इन्जिन क्षमता : – ४०० सिसी 
मूल्य : – १६ लाख 
विशेषता : –फोर स्ट्रोक, लिक्युड कुल्ड, सिङ्गल सिलिन्डर इन्जिन, १२५ मिलिमिटर ग्राउन्ड क्लियरेन्स, इलेक्ट्रिक स्टार्ट, १३.५ लिटर इन्धन ट्याङ्कीलगायत 






मोडेल : – यामाहा आरसिक्स
इन्जिन क्षमता : – ५९९ सिसी 
मूल्य : – २० लाख ४७ हजार ९ सय 
विशेषता : –इनलाइन फोरसिलिन्डर लिक्युड कुल्ड इन्जिन, फोर स्पिड ट्रान्समिसन, इलेक्ट्रिक स्टार्टलगायत 






मोडेल : –यामाहा एफजे सिक्स 
इन्जिन क्षमता : – ६०० सिसी 
मूल्य : –१५ लाख १७ हजार ९ सय
विशेषता : –इनलाइन फोरसिलिन्डर लिक्युड कुल्ड इन्जिन, फोर स्पिड ट्रान्समिसन, इलेक्ट्रिक स्टार्टलगायत 









मोडेल : – होन्डा सिबिआर–१०००–आरआर 
इन्जिन क्षमता : – ९९८ हजार सिसी 
मूल्य : –२६ लाख ५० हजार रुपैयाँ 
विशेषता : –इनलाइन फोरसिलिन्डर लिक्युड कुल्ड इन्जिन, सिक्स स्पिड ट्रान्समिसन, इलेक्ट्रिक स्टार्टलगायत 




Comments

Post a Comment

Popular posts from this blog

खरानी र खण्डहरको देश- २

देशको वर्तमान अवस्थाबारे लेखूँ कि नलेखूँ भन्ने मनस्थितिमा केही त लेख्नै पर्ने भयो। ००० सत्ता र त्यसका मठाधीशप्रति वर्षौँदेखि नागरिक तहमा गुम्सिएको आक्रोश यो पटक नवपुस्ताको अगुवाइमा अभिव्यक्त भयो। त्यो स्वतःस्फूर्त थियो। स्वचालित थियो। त्यसको कथा वा पटकथा कसैले लेखिदिएको थिएन। नेतृत्व थियो न त्यसलाई अवतरण गराउने खाका र तयारी। त्यो एउटा आँधी थियो, हुरी थियो, भूकम्प थियो। देशका सबै नदीमा आएको थाम्नै नसकिने बाढी थियो। स्वतःस्फूर्त र नेतृत्वविहीन आन्दोलन परम्परागत दलले गर्ने जस्तो सङ्गठित हुँदैन। आन्दोलनकारीमा दलीय अनुशासन हुँदैन। लक्ष्य र उद्देश्यहरू स्पष्ट नहुन सक्छन्। उपलब्धिलाई संस्थागत गर्ने मार्ग प्रस्ट नहुन सक्छ। त्यो थाहा पाउन इन्टरनेट र सामाजिक सञ्जालको व्यापक उपयोगबाट आह्वान भएका पछिल्ला आन्दोलन र अभियान हेरे पुग्छ। विगत दुई दशकभित्र संसारभरि भएका कैयौँ आन्दोलनको विश्लेषण गर्दा हुन्छ। चाहे ती अमेरिकाका ‘टी पार्टी मुभमेन्ट’, ‘अक्युपाई वालस्ट्रिट’ हुन् वा अरब वसन्त, हङ्कङको छाता आन्दोलन अनि विभिन्न देशमा चलेको पछिल्लो ‘नेपोबेबी’ वा ‘नेपोकिड्स’ अभियान, ती सबैको नतिजा लगभग उस्तै देखिन...
Post a Comment
Read more

कविता

Tweet आङ साङ सुची विष्णु पोखरेल  मृत्युरेखा पार गर्दै गर्दा सम्झदैँ छु तिम्रा चम्किला आँखा जसमा देखिन्छन् प्रतिशोधका प्रतिच्छायाहरू थाहा छ तिमी बोल्न सक्ने छैनौ जसरी हिजो बोल्थ्यौ हास्न सक्ने छैनौ जसरी हिजो हास्थ्यौ र, यो पनि थाहा छ तिमी गर्जन सक्ने छैनौ बाघलेझैँ– जसरी नजरबन्दका बेला घरको कौसीमा निस्केर हात हल्लाउदै गर्जन्थ्यौ मृत्यु रेखा पार गर्दैगर्दा कुल्चिरहेछु, कैयौँ रात ढुकढुकी बिसाउन संघर्ष गर्दै प्राण त्यागेका आत्माहरू सुँघिरहेछु, तिनबाट निस्कने दुर्गन्ध नाघिरहेछु, पिताको छातिमा गोली वर्षदाकी तिमी जस्तै कैयौँ नानीको बलात्कृत जाँघबाट चुहिएका रक्तरेखाहरू ओ ! मेरी शान्ति र अहिंसाकी प्रतिमूर्ति ! म आफ्नै भूमीबाट घरबारविहीन भएर मृत्युरेखा पार गर्दैगर्दा तिमी भन्दैछौ– ‘मेरो देशले कसैलाई पनि घरबारविहीन बनाएको छैन’ मेरी प्यारी शान्तिकी प्रतिमूर्ति ! एकपटक तिम्रो बैठक कक्षमा जाऊ र, सोध भित्तामा झुन्ड्याएको अल्फ्रेड नोबेललाई ‘साच्चै म सत्य बोलिरहेकी छु ?’ सायद नोबेल आउँनेछ चिहानबाट उठेर अनि, भन्नेछ– ‘तिमी सत्य बोल्दैछौ वा असत्य मलाई थ...
Post a Comment
Read more