Skip to main content

नेपालको कृषिमा चीनको सहयोग

काठमाडौं–चीनले बाली, पशु र बीउ विकास, कृषि उपज व्यापार सहजिकरणलगायतका विभिन्न पाँच क्षेत्रमा आर्थिक र प्राविधिक सहयोग गर्ने भएको छ।  
तस्विर साभार : – विश्व खाद्य कार्यक्रम

सोमबार राजधानीमा भएको नेपाल–चीन कृषि सहायता सम्बन्धी द्विपक्षिय बैठकमा चीनले सहयोगको प्रतिबद्धता जनाएको हो। बैठकले विभिन्न पाँच क्षेत्रलाई प्राथमिकता क्षेत्र तोकि सहयोग आदानप्रदान गर्ने निर्णय गरेको छ। नेपालका तर्फबाट बैठकमा कृषि सचिव गणेशराज जोशी र चीनको तर्फबाट कृषि मन्त्रालयका उप–मन्त्री निउ दुनले नेतृत्व गरेका थिए। 

बैठकले बाली तथा पशु विकास कार्यक्रम अन्तर्गत वणशंकर धान र  मकैं विकास, मत्य पालन र चरन विकासका लागि आपसी सहयोग गर्ने निर्णय गरेको छ। कृषि मन्त्रालयका प्रवक्ता प्रभाकर पाठकल यस्तो सहयोग आर्थिक हुने वा प्राविधिक भन्ने विषयमा भने पछि टुङ्गो लगाइने छ। 

'बैठकले कृषि मन्त्रालयका सह–सचिवको संयोजकत्वमा पाँच सदस्यिय कार्यदल गठन गर्ने निर्णय गरेको छ,' उनले भने, 'यो कार्यदलले कुन क्षेत्रमा कस्तो सहयोग गर्ने भन्ने निर्णय गर्नेछ।' आर्थिक र प्राविधिक सहयोगको टुङ्गो लागेपछि नेपालले आगामी यस्तै बैठकमा प्रस्ताव राख्ने उनले बताए। 


बैठकले बीउका लागि अत्यावश्यक पर्ने आनुवंशिक स्रोतहरुको आदान–प्रदान गर्ने र विभिन्न बालीका वर्णशंकर जात बीउ उत्पादनका लागि संयुक्त अनुशन्धान गर्ने निर्णय गरेको छ। यस्ता जात विकासमा धान, मकै, वागबानी, बंगुर र कुखुरालाई समेटिएको छ। 

कृषि उपज र उत्पादन सम्बन्धी व्यापार सहजिकरणका लागि वनस्पती, पशु र खाद्य क्वारेन्टाइन कार्यक्रमलाई सुदृणिकरण गर्ने, दुवै देशमा देखिने पशु र वनस्पतीमा देखिने सीमाविहिन रोग र पेस्ट नियन्त्रणमा सहकार्य गर्ने निर्णय पनि बैठकले गरेको छ। त्यस्तै नेपालका व्यवसायी, कृषि प्राविधिक, कर्मचारी र कृषकलाई चीन भ्रमण गराई कृषि प्रविधि सम्बन्धी तालिम दिने प्रतिबद्धता चीनले जनाएको छ। 

नेपाल र चीनले बैठकमा सहयोग आदान–प्रदान गर्ने सम्बन्धी बैठकको निर्णयमा दुवै देशका नेतृत्वकर्ताले हस्ताक्षर गरेको छ। सहयोग सम्बन्धी समझदारीपत्रमा आगामीवर्ष चीनमा हुने चौथो यस्तै बैठकमा हस्ताक्षर हुनेछ। नेपाल–चीन कृषि सहायता सबन्धी उच्चस्तरिय तहको यो तेस्रो बैठक हो। 

चीनबाट उप–मन्त्रीले यस्तो बैठकमा सहभागिता जनाएको भने पहिलो पटक हो। यसअघिका बैठकमा चीनबाट मन्त्रीस्तरिय अधिकारी सहभागी भएका थिएनन्।नेपालले बैठकमा रसायनिक मल कारखाना स्थापनाका लागि सहयोगको प्रस्ताव राखेको थियो। तर, यस विषयमा कुनै निर्णय भएन। 

क्वारेन्टाइनहरु सुधारका लागि चीनले सहयोग गर्ने प्रतिबद्धता जनाएकाले यसले निर्यात सहजिकरणमा सहयोग गर्ने अपेक्षा गरिएको छ। नेपालबाट फलफूल, चिकेनलगायतका सामग्री निर्यातको सम्भावना रहेको छ। 

Comments

Post a Comment

Popular posts from this blog

खरानी र खण्डहरको देश- २

देशको वर्तमान अवस्थाबारे लेखूँ कि नलेखूँ भन्ने मनस्थितिमा केही त लेख्नै पर्ने भयो। ००० सत्ता र त्यसका मठाधीशप्रति वर्षौँदेखि नागरिक तहमा गुम्सिएको आक्रोश यो पटक नवपुस्ताको अगुवाइमा अभिव्यक्त भयो। त्यो स्वतःस्फूर्त थियो। स्वचालित थियो। त्यसको कथा वा पटकथा कसैले लेखिदिएको थिएन। नेतृत्व थियो न त्यसलाई अवतरण गराउने खाका र तयारी। त्यो एउटा आँधी थियो, हुरी थियो, भूकम्प थियो। देशका सबै नदीमा आएको थाम्नै नसकिने बाढी थियो। स्वतःस्फूर्त र नेतृत्वविहीन आन्दोलन परम्परागत दलले गर्ने जस्तो सङ्गठित हुँदैन। आन्दोलनकारीमा दलीय अनुशासन हुँदैन। लक्ष्य र उद्देश्यहरू स्पष्ट नहुन सक्छन्। उपलब्धिलाई संस्थागत गर्ने मार्ग प्रस्ट नहुन सक्छ। त्यो थाहा पाउन इन्टरनेट र सामाजिक सञ्जालको व्यापक उपयोगबाट आह्वान भएका पछिल्ला आन्दोलन र अभियान हेरे पुग्छ। विगत दुई दशकभित्र संसारभरि भएका कैयौँ आन्दोलनको विश्लेषण गर्दा हुन्छ। चाहे ती अमेरिकाका ‘टी पार्टी मुभमेन्ट’, ‘अक्युपाई वालस्ट्रिट’ हुन् वा अरब वसन्त, हङ्कङको छाता आन्दोलन अनि विभिन्न देशमा चलेको पछिल्लो ‘नेपोबेबी’ वा ‘नेपोकिड्स’ अभियान, ती सबैको नतिजा लगभग उस्तै देखिन...
Post a Comment
Read more

कविता

Tweet आङ साङ सुची विष्णु पोखरेल  मृत्युरेखा पार गर्दै गर्दा सम्झदैँ छु तिम्रा चम्किला आँखा जसमा देखिन्छन् प्रतिशोधका प्रतिच्छायाहरू थाहा छ तिमी बोल्न सक्ने छैनौ जसरी हिजो बोल्थ्यौ हास्न सक्ने छैनौ जसरी हिजो हास्थ्यौ र, यो पनि थाहा छ तिमी गर्जन सक्ने छैनौ बाघलेझैँ– जसरी नजरबन्दका बेला घरको कौसीमा निस्केर हात हल्लाउदै गर्जन्थ्यौ मृत्यु रेखा पार गर्दैगर्दा कुल्चिरहेछु, कैयौँ रात ढुकढुकी बिसाउन संघर्ष गर्दै प्राण त्यागेका आत्माहरू सुँघिरहेछु, तिनबाट निस्कने दुर्गन्ध नाघिरहेछु, पिताको छातिमा गोली वर्षदाकी तिमी जस्तै कैयौँ नानीको बलात्कृत जाँघबाट चुहिएका रक्तरेखाहरू ओ ! मेरी शान्ति र अहिंसाकी प्रतिमूर्ति ! म आफ्नै भूमीबाट घरबारविहीन भएर मृत्युरेखा पार गर्दैगर्दा तिमी भन्दैछौ– ‘मेरो देशले कसैलाई पनि घरबारविहीन बनाएको छैन’ मेरी प्यारी शान्तिकी प्रतिमूर्ति ! एकपटक तिम्रो बैठक कक्षमा जाऊ र, सोध भित्तामा झुन्ड्याएको अल्फ्रेड नोबेललाई ‘साच्चै म सत्य बोलिरहेकी छु ?’ सायद नोबेल आउँनेछ चिहानबाट उठेर अनि, भन्नेछ– ‘तिमी सत्य बोल्दैछौ वा असत्य मलाई थ...
Post a Comment
Read more