सवारी साधनको बिक्री बढाउने उद्देश्यले राजधानीको भृकुटीमण्डमा चारदिन चलेको सवारी मेलामा दुई अर्ब रुपैयाँ बराबरको कारोबार भएको छ।
मेला अवधिमा दुई हजारभन्दा बढी सवारी साधन र प्रसस्त सवारी सम्बन्धि सामग्रीको बिक्री र बुकिङ भएको हो। ‘मेलामा ५ सय जति कार र १५ सय जति मोटरसाइकल बुकिङ भएको छ,’ मेला संयोजक शम्भु दाहालले भने, ‘सबै बुकिङ र कारोबार अनुमान गर्दा २ अर्बभन्दा बढी हुन्छ।’
मेलामा सबैभन्दा कम मूल्यदेखि अधिकतम मूल्यसम्मका सवारी साधनको बुकिङ भएको उनले जानकारी दिए। निम्न मध्यम र मध्यम वर्गको सवारी साधनकोरुपमा चिनिएको मोटरसाइकल मेलाको अवसरमा धेरै बुकिङ भएका छन्। मेलामा कम्पनीहरुले छुट, उपहार र किस्ताबन्दी सुविधा दिएकाले धेरै सवारी साधनको कारोबार भएको हो।
मेला अवधिमा दुई हजारभन्दा बढी सवारी साधन र प्रसस्त सवारी सम्बन्धि सामग्रीको बिक्री र बुकिङ भएको हो। ‘मेलामा ५ सय जति कार र १५ सय जति मोटरसाइकल बुकिङ भएको छ,’ मेला संयोजक शम्भु दाहालले भने, ‘सबै बुकिङ र कारोबार अनुमान गर्दा २ अर्बभन्दा बढी हुन्छ।’
मेलामा सबैभन्दा कम मूल्यदेखि अधिकतम मूल्यसम्मका सवारी साधनको बुकिङ भएको उनले जानकारी दिए। निम्न मध्यम र मध्यम वर्गको सवारी साधनकोरुपमा चिनिएको मोटरसाइकल मेलाको अवसरमा धेरै बुकिङ भएका छन्। मेलामा कम्पनीहरुले छुट, उपहार र किस्ताबन्दी सुविधा दिएकाले धेरै सवारी साधनको कारोबार भएको हो।
बिक्रेताहरुले मेलाको अवसर पारेर विभिन्न खाले छुट, उपहार, दसैं–तिहार योजना र नयाँ मोडलहरु सार्वजनिक गरेका थिए। मेलामा करिब ४० हजार अवलोकनकर्ता आएको दाहालले जानकारी दिए। बुधबारदेखि आइतबारसम्मका लागि मेला आयोजना गरिएको भएपनि विहिबार नेपाल बन्द परेपछि सोमबारसम्म सारिएको थियो। मेलाको बिचमा भएको बन्दले गर्दा आयोजकले लक्ष्य अनुसार अवलोकनकर्ता नआएको बताएका छन्। अवलोकनकर्ता सोचेभन्दा कम भएपनि मेला सफल भएको आयोजक नेपाल अटो मोबाइल डिलर्स एसोसिएसन(नाडा)का अध्यक्ष शेखर गोल्छाले बताए। उनले यस्ता मेलाले मुलुकको आर्थिक विकासमा टेवा पुर्याउने जानकारी दिए।
नाडा र ग्लोबल एक्सपोजिसन एन्ड म्यानेजमेन्ट सर्भिसेज प्रालि(जेम्स इभेन्टस्)को आयोजनामा भएको मेलाको नाम ‘नाडा अटो सो–२०७०’ राखिएको थियो । मेलामा सवारी साधन, यसका पार्टपुर्जा, लुब्रिकेन्टस्, टायर, जेनेरेटर, ग्यारेज उपकरण, ब्याट्री, एक्सेसरिज, बैंक, फाइनान्स, बिमालगायत कम्पनीका स्टल रहेका थिए। मेलामा चारपाङ्ग्रे, दुई पाङ्ग्रे र व्यवसायीक सवारी साधनका लागि छुट्टा—छुट्टै प्याभेलियनको व्यवस्था गरिएको थियो। ठूला र साना गरि १ सय वटा स्टल र ब्लक रहेको मेलामा विभिन्न मुलुकबाट आयातित सवारी साधन र सवारी सम्बन्धि सामग्री राखिएको थियो। ४५ वटा कम्पनीको सहभागीता रहेको मेलामा ८ वटा ब्रान्डका दुई पाङ्ग्रे र १२ वटा ब्रान्डका ४ पाङ्ग्रे सवारी साधन राखिएका थिए।
सवारी मेलामा नेपाल, भारत, चीन, कोरिया, जापान, अमेरिका, जर्मनी, चेक गणराज्यलगायत मुलुकका सवारी साधन राखिएका थिए। दाहालका अनुसार मेला अवधिमा सवारी सम्बन्धि टक सो, विचार, क्विज, सडक सुरक्षा र ट्राफिक नियम सम्बन्धि जानकारी, लाइभ कर्नरलगायतका कार्यक्रम सञ्चालन भएका थिए। बाल मनोरञ्जन, फोटो प्रदर्शनी, फुड स्टललगायत सुविधा पनि मेलामा रहेका थिए।
Comments
Post a Comment