Skip to main content

मर्मतको लाइन व्यस्त भए कल ब्याक

बिग्रिएको साधारण टेलिफोन (ल्यान्डलाइन) र इन्टरनेट लाइन (एडीएसएल) बनाइदिन कल गर्दा मर्मत सेवामा फोन उठेन ? वा लामो समयसम्म व्यस्त रह्यो ? चिन्ता नगर्नुस्, अब उतैबाट कल आउने छ र त्यसैमा गुनासो टिपाउन सक्नुहुने छ । तर, यो सेवा पाउन तपाईले अझै केही महिना कुर्नुपर्ने हुन्छ ।
नेपाल टेलिकमले मर्मत सेवालाई व्यवस्थित गर्न ‘कल ब्याक’ सहितको सेवा दिने तयारी गरेकाले उपभोक्ताले यस्तो सुविधा पाउने भएका हुन् । ‘कल ब्याक’ सेवा साधारण टेलिफोन, तारयुक्त इन्टरनेट सेवा एडीएसएल र फाइबर टु होम एवं भिस्याट टेलिफोनका ग्राहकले पाउने भएका हुन् । यी सेवाको मर्मत गर्न कल गर्नुपर्ने नम्बर १९८ को प्रणाली सुधार र अपग्रेड सकिएपछि उपभोक्तालाई यस्तो सुविधा हुने छ ।
टेलिकमले हाल यो नम्बरको प्रणाली सुधार गरिरहेको छ भने सोधपुछ सेवालाई जस्तै आउटसोर्सिङ गर्ने प्रक्रिया सुरु गरेको छ । कम्पनीले यसअघि नै साधारण फोनको सोधपुछ नम्बर १९७, जीएसएम मोबाइलको सोधपुछ नम्बर १४९८ र सीडीएमएको सोधपुछ नम्बर १९१ लाई आउटसोर्सिङबाट चलाइरहेको छ ।
‘हामीले मर्मत सेवालाई अहिले आईभीआर प्रणालीमा चलाइरहेका छौं,’ टेलिकमका सहप्रवक्ता डिल्लीराम अधिकारीले भने, ‘अब भने आउटसोर्सिङमा दिन लागेका हौं, त्यसमा कल ब्याक सहितको सुविधा ग्राहकले पाउने छन् ।’ आईभीआर प्रविधिमा उपभोक्ताले कल गर्दा सिधै अपरेटरले फोन उठाउँदैनन्, प्रणालीले नै कुन सेवाको मर्मत गर्ने हो त्यसका लागि नम्बर डायल गर्न निर्देशित गर्ने गर्छ ।
‘कल ब्याक’ सुविधा टेलिकमको प्रणालीमा जोडिएपछि फोन व्यस्त भए वा नउठे कल गर्नेको रेकर्ड प्रणालीमै रहने छ । त्यसमा लगत्तै कल गर्न प्रणालीले नै सूचित गर्ने छ । सूचनाका आधारमा आउसोर्सिङ कम्पनीका अपरेटरले गुनासोकर्तालाई ‘कल ब्याक’ गरेर विवरण लिई सम्बन्धित निकायमा पठाउने छन् ।

साधारण टेलिफोनको सोधपुछ सेवा प्रभावकारी नभएको गुनासो आएपछि टेलिकमले लागि ९ वर्षअघि टेन्डरमार्फत निजी क्षेत्रका कम्पनी छनोट गरि आउटसोर्सिङबाट चलाउन थालेको थियो । यसैगरी जीएसएम मोबाइल र सीडीएमएको सोधपुछ सेवा करिब ४ वर्षअघि आउटसोर्सिङ गरिएको हो । मर्मत सेवालाई भने टेलिकमले पहिलो पटक आउटसोर्सिङमा दिने प्रक्रिया सुरु गरेको हो ।
कम्पनीले गत बिहीबार सोधपुछ सेवासँगै मर्मतका लागि पनि बोलपत्र आहान गरिसकेको छ । इच्छुक कम्पनीले आगामी भदौ २२ गतेभित्र टेलिकमको वायरलाइन सेवा निर्देशनालयमा आवेदन दिइसक्नु पर्ने छ ।
पहिलेदेखि नै आउटसोर्सिङ गरिएका सेवामा पुनरावलोकनका लागि बोलपत्र आहान गरिएको अधिकारीले बताए । तर, मर्मतका लागि भने पहिलोपटक बोलपत्र मागिएको हो ।
टेलिकमले मर्मत सेवालाई प्रभावकारी र गुनासोरहित बनाउन चाँडै नै अनलाइनबाट गुनासो गर्ने व्यवस्था गर्न लागेको पनि अधिकारीले बताए । ‘अनलाइन र सोसल मिडियाबाट सोधपुछ एवं मर्मतको गुनासो व्यवस्थापन गर्ने प्रणाली पनि हामीले बनाइरहेका छौं,’ उनले भने, ‘त्यसपछि उपभोक्ताको गुनासो सम्बोधन गर्न धेरै सजिलो हुने छ ।’
नेपालको सबैभन्दा धेरै ग्राहक आधार भएको दूरसञ्चार कम्पनी टेलिकमको साधारण टेलिफोन चलाउने ग्राहकको संख्या गत चैत सम्ममा करिब ६ लाख ७० हजार पुगेको छ । यसैगरी एडीएसएल चलाउने ग्राहक १ लाख ७० हजार छन् । उपभोक्ताले एडीएसएल सेवा मर्मत समयमै सम्बोधन नभएको गुनासो धेरै गर्ने गरेका छन् ।
टेलिकमले आगामी तीन महिनाभित्र आउटसोर्सिङ प्रक्रिया पूरा हुने जनाएको छ । त्यसपछि साधारण टेलिफोनसहित एडीएसलको मर्मतसम्बन्धी गुनासो समयमै सम्बोधन हुने अधिकारीले दाबी गरे ।



Comments

Post a Comment

Popular posts from this blog

खरानी र खण्डहरको देश- २

देशको वर्तमान अवस्थाबारे लेखूँ कि नलेखूँ भन्ने मनस्थितिमा केही त लेख्नै पर्ने भयो। ००० सत्ता र त्यसका मठाधीशप्रति वर्षौँदेखि नागरिक तहमा गुम्सिएको आक्रोश यो पटक नवपुस्ताको अगुवाइमा अभिव्यक्त भयो। त्यो स्वतःस्फूर्त थियो। स्वचालित थियो। त्यसको कथा वा पटकथा कसैले लेखिदिएको थिएन। नेतृत्व थियो न त्यसलाई अवतरण गराउने खाका र तयारी। त्यो एउटा आँधी थियो, हुरी थियो, भूकम्प थियो। देशका सबै नदीमा आएको थाम्नै नसकिने बाढी थियो। स्वतःस्फूर्त र नेतृत्वविहीन आन्दोलन परम्परागत दलले गर्ने जस्तो सङ्गठित हुँदैन। आन्दोलनकारीमा दलीय अनुशासन हुँदैन। लक्ष्य र उद्देश्यहरू स्पष्ट नहुन सक्छन्। उपलब्धिलाई संस्थागत गर्ने मार्ग प्रस्ट नहुन सक्छ। त्यो थाहा पाउन इन्टरनेट र सामाजिक सञ्जालको व्यापक उपयोगबाट आह्वान भएका पछिल्ला आन्दोलन र अभियान हेरे पुग्छ। विगत दुई दशकभित्र संसारभरि भएका कैयौँ आन्दोलनको विश्लेषण गर्दा हुन्छ। चाहे ती अमेरिकाका ‘टी पार्टी मुभमेन्ट’, ‘अक्युपाई वालस्ट्रिट’ हुन् वा अरब वसन्त, हङ्कङको छाता आन्दोलन अनि विभिन्न देशमा चलेको पछिल्लो ‘नेपोबेबी’ वा ‘नेपोकिड्स’ अभियान, ती सबैको नतिजा लगभग उस्तै देखिन...
Post a Comment
Read more

कविता

Tweet आङ साङ सुची विष्णु पोखरेल  मृत्युरेखा पार गर्दै गर्दा सम्झदैँ छु तिम्रा चम्किला आँखा जसमा देखिन्छन् प्रतिशोधका प्रतिच्छायाहरू थाहा छ तिमी बोल्न सक्ने छैनौ जसरी हिजो बोल्थ्यौ हास्न सक्ने छैनौ जसरी हिजो हास्थ्यौ र, यो पनि थाहा छ तिमी गर्जन सक्ने छैनौ बाघलेझैँ– जसरी नजरबन्दका बेला घरको कौसीमा निस्केर हात हल्लाउदै गर्जन्थ्यौ मृत्यु रेखा पार गर्दैगर्दा कुल्चिरहेछु, कैयौँ रात ढुकढुकी बिसाउन संघर्ष गर्दै प्राण त्यागेका आत्माहरू सुँघिरहेछु, तिनबाट निस्कने दुर्गन्ध नाघिरहेछु, पिताको छातिमा गोली वर्षदाकी तिमी जस्तै कैयौँ नानीको बलात्कृत जाँघबाट चुहिएका रक्तरेखाहरू ओ ! मेरी शान्ति र अहिंसाकी प्रतिमूर्ति ! म आफ्नै भूमीबाट घरबारविहीन भएर मृत्युरेखा पार गर्दैगर्दा तिमी भन्दैछौ– ‘मेरो देशले कसैलाई पनि घरबारविहीन बनाएको छैन’ मेरी प्यारी शान्तिकी प्रतिमूर्ति ! एकपटक तिम्रो बैठक कक्षमा जाऊ र, सोध भित्तामा झुन्ड्याएको अल्फ्रेड नोबेललाई ‘साच्चै म सत्य बोलिरहेकी छु ?’ सायद नोबेल आउँनेछ चिहानबाट उठेर अनि, भन्नेछ– ‘तिमी सत्य बोल्दैछौ वा असत्य मलाई थ...
Post a Comment
Read more