काठमाडौं, असोज १–खाजा खान जादा मिठो मानेर मिठाई खाने गर्नुभएको छ भने विचार गर्नुहोस्। तपाइले खाने मिठाई फोहोर भान्सामा पनि बनेको हुनसक्छ।
राजधानीको एउटा यस्तो मिठाई पसललाई सोमबार सरकारी अनुगमन टोलीले बन्द गराएको छ। टोलीले राजधानीको महाराजगञ्जस्थित रुवी स्विट्स एन्ड मिठाइ पसल बन्द गराएको हो। समोसाको साथमा दिइने अचारमा साङ्लै साङ्ला भेटिएपछि टोलीले पसल बन्द गराएको हो।
'पसल हेनै नहुने फोहोर रहेछ, खानेकुरा अस्वस्थकररुपले उत्पादन भइरहेको भेटिएकाले बन्द गराएका हौ,' टोलीमा सहभागी खाद्य प्रविधि तथा गुण नियन्त्रण विभागका खाद्य अनुशन्धान अधिकृत योगेन्द्र ढुङ्गेलले भने, 'सञ्चालक प्रदीप बोगटीलाई तीनदिने स्पष्टिकरण सोधिएको छ।'
Comments
Post a Comment