दैनिक उपभोग्य वस्तुको भाउ तोकियो(तालिकासहित)

काठमाडौं, भदौ २८ –सरकाले पहिलो पटक दैनिक उपभोग्य वस्तुको अधिकतम खुद्रा मूल्य(एमआरपी) तोकेको छ। मुख्य सचिव लिलामणि पौडेलको संयोजकत्वमा बसेको सरकारवालाको बैठकले उपभोग्य वस्तुको एमआरपी तोकेको हो। व्यवसायीका प्रतिनिधी समेत सहभागी बैठकले उनीहरुको सहमतीमा भाउ तोकेको हो। सरकारले चामल, दाल, गेडागुडी र पिठोको भाउ तोकेको छ।

नुन र चिनीको भाउ भने सरकारी संस्थानहरुसँग छलफल गरेर तोक्ने निर्णय भएको छ। बैठकले खाने तेलमा भने प्याकेटमा लेखिएको एमआरपीमा २ प्रतिशत छुट दिने निर्णय गरेको छ। तोकिएको भाउमा नबेच्ने व्यापारीलाई सरकारले कारबाही गर्नसक्नेछ।

 सरकारले तोकेको मूल्य(किलोमा)

जनरल सोना मन्सुली ३६

स्टिम सोना मन्सुली ४६

जनरल जिरा मसिनो ५५

स्टिम जिरा मसिनो ६०

मास दाल मझौला ९६

मास दाल ठूलो गेडा १०५

मुसुरो दाल मझौला ९३

मुसुरो दाल ठूलो गेडा १०२

मुङ खोस्टा मझौला ११७

मुङ खोस्टा ठूलो गेडा १२७

चना मझौला १०७

केराउ सेतो ६५

बोडी ९५

आटा ३१

मैदा ३६